د ایمن خدماتو (Aiman Services) شرکت له لارې د خدماتو ترلاسه کول یا د محصولاتو پېرل په دې معنا دي چې تاسو لاندې ټول شرایط، مقررات او تګلارې په دقت سره لوستي، درک کړي او په بشپړه توګه منلي دي.
مشتریان مکلف دي چې د خدماتو د ترسره کولو لپاره یوازې هغو کسانو ته د ننوتلو اجازه ورکړي چې د شرکت رسمي غړي وي او یا یې په اړه د ایمن له دفتر سره تر مخه همغږي شوې وي.
که چیرې مشتري د دفتر له همغږۍ پرته، ناپېژانده کسانو ته خپل کور یا سوداګریز ځای ته د ننوتلو اجازه ورکړي، د هر ډول بدو پېښو، زیانونو او عواقبو مسوولیت په بشپړ ډول د مشتري په خپله غاړه دی او شرکت پدې کې هیڅ مسوولیت نلري.
د خدماتو د روڼتیا، عادلانه نرخونو او مالي نظم د تضمین لپاره، مشتري مکلف دی چې د پروژې ټول لګښتونه، ټاکل شوی قیمت او هر ډول اضافي مصارف په مستقیم ډول د ایمن خدماتو له دفتر سره همغږي او تأیید کړي.
د پروژې اړوند هر ډول تادیه یوازې هغه وخت رسمي او د اعتبار وړ ګڼل کېږي چې د شرکت په ځانګړي رسمي فورم کې ثبت، د اړوندو لورو له خوا لاسلیک او د ایمن خدماتو دفتر یا د هغه رسمي استازي ته وسپارل شي. له دې پرته هر ډول تادیه یا مالي معامله د شرکت له نظره د اعتبار وړ نه ده، او شرکت به یې په اړه هېڅ قانوني یا مالي مسؤلیت ونه لري.
د ایمن خدماتو له کارکوونکو سره د دفتر له مخکنۍ رسمي همغږۍ او اجازې پرته، هر ډول شخصي، مالي، کاري، سوداګریزه معامله، قرارداد یا هوکړه د شرکت له نظره غیررسمي او د اعتبار وړ نه ده.
که مشتري له کارکوونکو سره په شخصي ډول هر ډول معامله، قرارداد یا هوکړه ترسره کړي، د هغې ټولې حقوقي، مالي او نورې احتمالي پایلې او زیانونه به یوازې د معاملو د اړوندو لورو پر غاړه وي، او شرکت به په دې اړه هېڅ ډول قانوني، مالي یا قراردادي مسؤلیت ونه لري.
د کار له بشپړېدو، سپارلو او رسمي تسلیمۍ وروسته، د شرکت ټول اصلي او قانوني مسؤلیتونه پای ته رسېږي.
د مشتریانو د درناوي او د حسن نیت له مخې، شرکت د یو اختیاري امتیاز په توګه (نه د قانوني مکلفیت په توګه) مراجعینو ته دا فرصت ورکوي چې که د ترسره شوو خدماتو په کیفیت کې کومه ستونزه موجوده وي، خپله غوښتنه د لاندې ټاکل شوو مودو په ترڅ کې ثبت کړي:
ایمن خدمات هغه محصولات وړاندې کوي چې د باوري، معیاري او پېژندل شوو درېیمګړو تولیدونکو او عرضه کوونکو له خوا تولید او برابر شوي وي. شرکت د اصلي او باکیفیته محصولاتو د وړاندې کولو هڅه کوي، خو د محصولاتو په اړه لاندې شرایط د تطبیق وړ دي:
د محصولاتو د تحویل وخت او طریقه د مراجعینو د موقعیت، واټن، موجوده شرایطو او په ګودام (Stock) کې د محصول د شتون له مخې ټاکل کېږي؛ له همدې امله احتمالي ځنډونه چې د یادو شرایطو له امله رامنځته کېږي، د منلو وړ دي.
که د محصول نصبولو ته اړتیا وي، د نصب خدمت باید له مخکې څخه د ایمن خدماتو له دفتر سره په واضح ډول توافق او ثبت شوی وي.
کله چې محصول په سمه توګه نصب، ازمویل او تسلیم شي، له هغې وروسته د ناسم استعمال، غیرمجازې دستکارۍ، د سیسټم د جوړښت بدلون یا د مشتری له لوري د هر ډول فزیکي مداخلې له امله رامنځته شوې ستونزې د شرکت مسؤلیت نه ګڼل کېږي.
د محصول د بدلولو یا بېرته ستنولو شرایط:
مشتري کولای شي محصول بېرته وسپاري یا یې بدل کړي، په هغه صورت کې چې محصول فابریکوي عیب ولري، ناسم محصول ورکړل شوی وي، یا د موجودۍ په صورت کې د بل مناسب ماډل اړتیا وي.
اړین شرایط:
محصول باید په هېڅ ډول استعمال شوی نه وي، د مشتري له خوا زیانمن شوی نه وي، او هېڅ ډول فزیکي بدلون، ماتېدنه یا تاوان پکې نه وي رامنځته شوی. د بېرته ستنولو یا بدلولو غوښتنه باید د ټاکل شوې مودې په دننه کې او په مناسب وخت کې ثبت شي.
د بیې توپیر:
د محصول د بدلولو (Exchange) پر مهال، که د نوي محصول او پخواني محصول د قیمت ترمنځ توپیر موجود وي، د بیې توپیر به د اړوندو شرایطو له مخې محاسبه کېږي.
د خدماتو فیس:
د ترسره شوو خدماتو او نصبولو فیس په هېڅ صورت بېرته نه ورکول کېږي، ځکه چې خدمت یو ځل ترسره شوی کار ګڼل کېږي. خو د خدماتو اړوند اصلاحات د اړوندو شرایطو او د شرکت د تګلارې له مخې ترسره کېدای شي.
ایمن خدمات خپل خدمات په مسلکي، معیاري او د پام وړ اصولو سره ترسره کوي؛ خو شرکت په لاندې مواردو کې هېڅ ډول مسؤلیت نه لري:
په هر حالت کې، که د نافذه قوانینو له مخې د شرکت مسؤلیت ثابت شي، د ایمن خدماتو ټول مالي مسؤلیت به یوازې د هماغه ځانګړي محصول یا خدمت لپاره د مشتری له خوا شرکت ته د ورکړل شوې اندازې تر حد پورې محدود وي، او له دې څخه زیات مسؤلیت به نه لري.
ایمن خدمات د هغو ځنډونو، ستونزو یا د خدماتو د نه ترسره کېدو مسؤلیت نه لري چې د شرکت له ارادې، اختیار او کنټرول څخه بهر وي، په ځانګړي ډول لاندې موارد:
په داسې حالتونو کې شرکت هڅه کوي چې خدمات ژر تر ژره بېرته عادي حالت ته راولي، خو د یادو شرایطو له امله رامنځته شوو ځنډونو یا محدودیتونو مسؤلیت نه لري.
ایمن خدمات حق لري چې د اړتیا، قانوني بدلونونو، د بازار شرایطو یا د شرکت د پالیسۍ له مخې، په هر وخت کې په دغو شرایطو او مقرراتو کې بدلون، اصلاح یا تازه کول ترسره کړي.
ایمن خدمات حق لري چې د بازار د شرایطو، اقتصادي بدلونونو، د عرضه کوونکو د نرخونو او د اړتیاوو له مخې، په هر وخت کې د خپلو خدماتو، محصولاتو، قیمتونو او اړوندو معلوماتو د بدلون، اصلاح او تازه کولو حق ولري.
د نویو قیمتونو او معلوماتو تطبیق به د تازه شویو شرایطو له مخې ترسره کېږي، او شرکت د پخوانیو اعلان شوو معلوماتو یا قیمتونو د دوام مسؤلیت نه لري، پرته له هغو مواردو چې مخکې په رسمي ډول توافق پرې شوی وي.